काठमाडौं । जनता समाजवादी पार्टी (जसपा) नेपालको कार्यकारिणी समितिको बैठक आज ११ बजे बस्न लागेको हो ।

देशको समसामयिक राजनीतिक अवस्था, पार्टीको समायोजन, संसदीय दलको नेता लगायतको विषयमा छलफलका लागि सो बैठक बस्न लागेको हो ।

देशमा सत्ता समीकरणको चर्चा चलिरहेको छ, सो चर्चाको केन्द्रविन्दुमा जसपा नेपाल पनि रहेको छ ।

सरकार निर्माणका लागि कसलाई सहयोग गर्ने, कसलाई सहयोग नगर्ने विषयमा पनि आजको बैठकले एउटा निष्कर्ष निकाल्ने कार्यकारिणी समिति सदस्य मनिष सुमनले बताउनुभयो ।

प्रधानमन्त्री केपी शर्मा ओली नेतृत्वकै सरकारलाई सघाउने कि अर्को नयाँ सरकार बनाउन माओवादी केन्द्रलाई सघाउने विषयमा पार्टीभित्र फरक फरक मत रहेको छ । यही विवादलाई निरुपण गर्न कार्यकारिणी समितिको बैठक बोलाइएको हो ।