काठमाडौं । जनता समाजवादी पार्टी (जसपा) नेपालका नेताहरु प्रधानमन्त्री केपी शर्मा ओलीसँग छलफलका लागि बालुवाटार गएका छन् । अध्यक्ष महन्थ ठाकुरको नेतृत्वमा राजेन्द्र महतो, सर्वेन्द्रनाथ शुक्ला र लक्ष्मणलाल कर्ण मंगलबार बिहान बालुवाटार गएका हुन् ।

ठाकुरको सचिवालयका एक सदस्यले प्रधानमन्त्री ओलीसँग छलफलका लागि नेताहरुको टोली बालुवाटार गएको जानकारी दिनुभएको छ ।

ती नेताका अनुसार अध्यक्ष ठाकुरसहित पूर्वराजपा टिम ओलीसँगै सहकार्यको पक्षमा लागेको छ । अर्का अध्यक्ष उपेन्द्र यादव, संघीय परिषद् अध्यक्ष डा. बाबुराम भट्टराईसहित पूर्वसमाजवादीको समूह ओली प्रतिगमनकारी भएको भन्दै तत्काल सहकार्य गर्न नहुने अडानमा छ ।

सत्ता साझेदारीका लागि निर्णायक भूमिका निर्वाह गर्ने अवस्थामा रहेको जसपाले ओली सरकारलाई निरन्तरता दिने वा विकल्प खोज्ने भन्नेबारे प्रस्ट धारणा बनाइसकेको भने छैन ।