काठमाडौं । जनता समाजवादी पार्टी जसपाका नेता राजेन्द्र महतोले पार्टीका मुद्धालाई सम्बोधन गरेमा प्रधानमन्त्री तथा नेकपा एमालेका अध्यक्ष केपी शर्मा ओली नेतृत्वकै सरकारले पनि निरन्तरता पाउन सक्ने दावी गर्नुभएको छ ।

नेपाली रेडियो नेटवर्कको नेपाली बहसमा पत्रकार ऋषि धमलासँग कुरा गर्दै नेता महतोले अहिले वार्ता चलिरहेकाले वर्तमान सरकारसँगै पनि जसपाको सत्ता साझेदारी हुनसक्ने जानकारी दिनुभयो ।

जुन पार्टीले जसपाका मुद्धा सम्बोधन गर्छ त्यसैसँग सत्ता साझेदारी गर्ने दावी उहाँले गर्नुभएको छ ।

उहाँले पार्टीले सत्ता समिकरणबारे आधिकारिकरुपमा निर्णय नगरिसकेकाले अहिले नै कोसँग सहकार्य हुन्छ भन्नेबारे केहि अनुमान गर्न नसकिने जानकारी दिनुभयो ।

सत्ता समिकरणको विषयलाई लिएर जसपा पार्टी नफुट्ने पनि नेता महतोले बताउनुभएको छ ।