काठमाडौं - परराष्ट्रमन्त्रीबाट शुक्रबार बिदा भएलगत्तै प्रदीपकुमार ज्ञवालीले आफ्नो कार्यकालमा भएको कमाइ खर्च विवरण सार्वजनिक गर्नुएको छ । उहाँले आज सामाजिक सञ्चालमार्फत विवरण सार्वजनिक गर्नुभएको हो ।

ज्ञवालीले मन्त्री रहँदाको अवधिमा विदेश भ्रमण बापतको लेभी ३,१४,९३० र पारिश्रमिक बापतको लेभी ६,२०,००० गरी जम्मा ९,३४,९३० रुपैयाँ पार्टी खातामा जम्मा भएको जानकारी दिनुभएको छ ।

‘पारिश्रमिकको कर कट्टीबापत ३,७२,४९१ रुपैयाँ १३ पैसा सरकारी कोषमा दाखिला भएको छ र हाल मेरो खातामा ७,४१,७७५ रुपैयाँ ६० बचत छ’, उहाँले ट्विटरमा लेख्नुभएको छ ।

सो अवसरमा ज्ञवालीले कार्यकाल अवधिभर सहयोग गर्ने सबैप्रति धन्यवाद ज्ञापनसमेत गर्नुभएको छ ।

ज्ञवालीको कदमको अधिकांश सामाजिक सञ्जाल प्रयोगकर्ताले प्रशंसा गरेका छन् । अन्य नेता तथा मन्त्रीले पनि उहाँबाट सिक्नुपर्ने उनीहरुको बनाइ छ ।