२०८३, श्रावण १० गते
- यो साता चर्चामा :
काठमाडौँ – नेपालमा पछिल्लो २४ घण्टामा थप २९७९ जनामा कोरोना संक्रमण पुष्टि भएको छ । यो अवधिमा २८ जनाको कोभिड–१९ संक्रमणका कारण मृत्यु भएको छ ।
स्वास्थ्य तथा जनसंख्या मन्त्रालयका अनुसार देशभर ७८३५ जनाको पीसीआर टेष्ट गर्दा २०७७ जनामा संक्रमण पुष्टि भएको हो ।
यो संख्या आफैँमा कम भएको मन्त्रालयका प्रवक्ता डा. कृष्ण पौडेलले बताउनुभयो । लक्षण भएका संक्रमितको सरकारी अस्पतालहरुमा निःशुल्क परीक्षण हुने भन्दै उहाँले यदि कसैलाई कोरोना संक्रमणको लक्षण भए परीक्षण गराउन आग्रह गर्नुभयो ।
यस्तै देशभरमा ४०६३ जनाको एन्टिजेन परीक्षण गर्दा ९०२ जनामा संक्रमण पुष्टि भएको छ ।
मन्त्रालयका अनुसार थप भएका संक्रमितमध्ये काठमाडौँ उपत्यकाका ५४३ जना छन्, जसमा काठमाडौँका ३९०, ललितपुरका ८६ र भक्तपुरका ६७ जना छन् ।
हाल उपत्यकाका तीनसहित कास्की, चितवन, मकवानपुर, झापा, मोरङ र सुनसरीमा संक्रिय संक्रमितको संख्या ५०० भन्दा बढी छन् ।
