२०८३, श्रावण ११ गते
- यो साता चर्चामा :
काठमाडौँ । देशभर पछिल्लो २४ घण्टामा थप ३३२ जनामा कोरोना भाइरस संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार ७ हजार ५ सय ९० जनाको पीसीआर परीक्षण गर्दा ३०५ जना र २ हजार ३ सय ३० जनाको एन्टिजेन परीक्षण गर्दा २७ जना गरी ३३२ जनामा संक्रमण देखिएको छ ।
आज काठमाडौंमा १४४ ललितपुरमा २६ र भक्तपुरमा ११ गरी काठमाडौं उपत्यकामा मात्र १८१ जनामा संक्रमण पुष्टि भएको छ ।
यस्तै पछिल्लो सोहि अवधिमा संक्रमणबाट ४ जनाको मृत्यु भएको छ भने २३२ जना निको भएका छन् ।
आज थपिएकासँगै नेपालमा कोरोना संक्रमितको कुल संख्या ९ लाख १५ हजार ४०१ पुगेको छ । ती मध्ये ८ लाख १ हजार १२२ जना संक्रमणमुक्त भएका छन् भने ११ हजार ५१३ जनाको मृत्यु भएको छ ।
मन्त्रालयका अनुसार हाल देशभर ७ हजार ३६९ जना सक्रिय संक्रमित रहेका छन् ।
