२०८३, श्रावण ११ गते
- यो साता चर्चामा :
काठमाडौं । तीव्र गतिका बलर करण केसीले टी–२० अन्तर्राष्ट्रियमा ५० विकेट लिएका छन् ।
कीर्तिपुरमा भइरहेको त्रिकोणात्मक टी–२० श्रृङ्खला अन्तर्गत बिहीबार पपुवा न्यूगिनी विरुद्ध पहिलो विकेट लिएपछि करणले ५० विकेटको कोशेढुंगा पूरा गरेका हुन् ।
करणले पहिलो ओभरको चौथो बलमा लेगा सिएकालाई आसिफ शेखबाट क्याचआउट गराउँदै करियरको ५०औं टी–२० अन्तर्राष्ट्रिय विकेट लिएका हुन् । उनले ३६ खेल खेल्दै यो उपलब्धी हासिल गरे । करण नेपालबाट टी–२० मा ५० विकेट लिने दोस्रो बलर हुन् ।
यसअघि सन्दीप लामिछानेले ५० विकेट पूरा गरिसकेका छन् । सन्दीपले नेपालका लागि सर्वाधिक ६७ टी–२० अन्तर्राष्ट्रिय विकेट लिएका छन् ।
