काठमाडौँ । देशभर थप १२ जनामा कोरोना भाइरसको संक्रमण पुष्टि भएको छ ।

गत २४ घण्टामा एन्टिजेन र पीसीआर प्रविधिबाट देशभर ४ हजार ३४९ नमूनाको परीक्षण हुँदा आज १२ जनामा संक्रमण पुष्टि भएको स्वास्थ्य तथा जनसंख्या मन्त्रालयले जानकारी दिएको छ ।

गत २४ घण्टाको कोरोना संक्रमणबाट कसैको मृत्यु भएको विवरण प्राप्त नभएको मन्त्रालयले जानकारी दिएको छ । कोरोना संक्रमणबाट हालसम्म देशभर मृत्यु हुनेको संख्या ११ हजार ९५१ जनाको मृत्यु भएको छ ।

मन्त्रालयका अनुसार गत २४ घण्टाको अवधिमा देशभरका विभिन्न ठाउँमा गरि ८९ जना कोरोना भाइरसको संक्रमणबाट मुक्त भएका छन् । देशभर हाल ६६९ जना सक्रिय संक्रमित रहेका मन्त्रालयले जानकारी दिएको छ ।