काठमाडौं - दलहरुबीचको एकता मुलुकमा राजनीतिक स्थायित्वका लागि महत्वपूर्ण रहने नेकपा एकीकृत समाजवादीका अध्यक्ष माधवकुमार नेपालले बताउनुभएको छ ।

२०४६ साल, २०६२/०६३ सालको आन्दोलनमा सबै दलहरुको एकताले मुलुकमा परिवर्तन आएको स्मरण गर्दै अध्यक्ष नेपालले हाल पनि दक्षिणपन्थी शक्तिहरुको अराजकताविरुद्ध एकजुट हुनुपर्ने बताउनुभयो ।

मुलुकको हित चाहाने र आफ्ना सन्तानको भविष्य चाहाने हो भने गठबन्धनलाई रोज्न नेपालको आग्रह छ । एकीकृत भएको एकतालाई धुजाधुजा पारेर एमाले अध्यक्ष ओलीले अधिनायकवादको प्रतिनिधित्व गरेको नेपालको अरोप छ ।

नेपालले भन्नुभयो, ‘शिक्षा, स्वास्थ्य, रोजगार, पर्यावरणमैत्री अर्थतन्त्र निर्माण, नयाँ विज्ञान र प्रविधिको विकासका निम्ति स्थायी राजनीति चाहिन्छ, जसका लागि गठबन्धन अहिलेको विकल्प हो ।’

काठमाडौंको भविष्यलाई सुनिश्चित गर्नका लागि गठबन्धनको प्रतिवद्धतापत्र नै काफी रहेको नेपालको दाबी छ । गठबन्धनका साझा उम्मेदवार हरेक रुपमा सबल रहेको उहाँको भनाइ छ ।