२०८३, श्रावण १२ गते
- यो साता चर्चामा :
काठमाडौं । नेपाली कम्युनिष्ट नेता बामदेव गौतमले एमालेले स्थानीय तह निर्वाचनमा धाँधली भएको भन्नु आफ्नो लाज छोप्ने प्रपञ्च मात्रै भएको बताउनुभएको छ ।
निर्वाचनको मतदान र मतगणना सौहार्दपूर्ण रुपले भइरहेको बेला एमालेले लगाएको आरोपको कुनै तुक नभएको गौतमको भनाइ छ । आरोप लगाउने मात्रै एमालेको काम भएको बताउँदै गौतमले त्यो पार्टीको नाम लिनुभन्दा पहिला कुल्ला गर्नुपर्ने बताउनुभयो ।
नेपालको राजनीतिक इतिहासमा स्वतन्त्र उम्मेदवारले जितेका धेरै उदाहरण भएको बताउँदै उहाँले यो सामान्य रहेको जिकीर गर्नुभयो ।
नेपाली रेडियो नेटवर्कसँग कुरा गर्दै उहाँले मुलुकका विभिन्न स्थानमा स्वतन्त्र उम्मेदवार अगाडि भएपनि अन्तिम परिणाम नआउञ्जेल केही भन्न नसकिने बताउनुभयो ।
उहाँसँगको कुराकानी नेपाली रेडियो नेटवर्कको फेसबुक पेजमा हेर्न सकन्छ ।
