काठमाडौं । नेपाली कांग्रेसका नेता डा. शेखर कोइराला समूहको बैठक आज पनि बस्दै छ । बत्तीसपुतलीस्थित एक होटेलमा हिजो सुरु भएको बैठक आज दिउँसो २ बजेपछि पुनः बस्न लागेको हो । हिजो नेता शेखर कोइरालाले छलफलका विषयहरू प्रस्तुत गरेपछि नेताहरूले धारणा राख्ने क्रम सुरु भएको छ ।
आज थप केन्द्रीय सदस्यहरू र पदाधिकारीहरूले बोल्ने पालो छ । बैठकमा पार्टीको १४ औँ महाधिवेशनपछिका ६ महिना र पार्टी नेतृत्वको सरकारका काम कारबाहीबारे समीक्षा चलिरहेको छ भने स्थानीय चुनावको परिणाम र आसन्न निर्वाचनमा गठबन्धनको मोडेलबारे छलफल भइरहेको नेता भूपेन्द्र जङ्ग शाहीले जानकारी दिनुभयो ।
बैठकमा हिजो केन्द्रीय सदस्य प्रतिमा गौतम, नेताहरू मनोजमणि आचार्य, प्रतिमा गौतम, सुवास पोखरेल, डिल्ली सुवेदी, युवराज पाण्डे र मुक्तकुमारी यादवलगायतले धारणा राखेका थिए ।
