काठमाडौं । चिनियाँ कम्युनिस्ट पार्टीका विदेश विभाग प्रमुख लिउ जियानचाओले नेकपा माओवादी केन्द्रका अध्यक्ष पुष्पकमल दाहाल‘प्रचण्ड’ लाई सोमबार(भोलि) भेट्ने भएका छन् । आइतबार(आज) बिहान मात्रै काठमाडौ ओर्लिएका चिनियाँ कम्युनिस्ट पार्टीका विदेश विभाग प्रमुख लिउ सहितको टोलीले प्रचण्डलाई भोलि बिहान मात्रै भेटघाट गर्ने तय भएको प्रचण्डको सचिवालयले जनाएको छ ।
प्रचण्ड र लिउबीच भोलि बिहान प्रचण्ड निवास खुमलटार भेटघाट हुने कार्य तालिका बनाएको बताइएको छ । चिनियाँ कम्युनिस्ट पार्टीका विदेश विभाग प्रमुखले प्रचण्डसहित प्रमुख पार्टीका शीर्ष नेताहरूलाई समेत भेट्ने कार्य तालिका रहेको छ।
