काठमाडौं । जनता समाजवादी पार्टीका संघीय परिषद् अध्यक्ष डा.बाबुराम भट्टराईले कार्यकारिणी समिति अध्यक्ष उपेन्द्र यादव निरंकुश र स्वेच्छाचारी रूपमा अगाडि बढेको बताउनुभएको छ ।
आफूपक्षीय केन्द्रीय समितिको विस्तारित बैठकलाई सम्बोधन गर्दै उहाँले वीरगञ्जमा तोकिएको बैठक आफूहरूसँग कुनै छलफल नगरी तय गरिएको दाबी गर्नुभएको छ ।
अध्यक्ष भट्टराईले आफूहरूले पार्टी फुटाउन नचाहेको पनि बताउनुभयो ।
रूपान्तरण भनेको विकृति विसंगतिहरू आयो भने त्यसलाई हटाएर पार्टीलाई बलियो र सुदृढ बनाउने र आवश्यक पर्यो भने, सङ्गठनात्मक परिवर्तन गरेर पुनर्गठन गर्ने भन्ने अर्थ लाग्ने उहाँले दाबी गर्नुभयो ।
‘विभाजनको निम्ति होइन, त्यसमा कुनै न मनसाय थियो, हामीले आफैं बनाएको सङ्गठन पार्टी किन विभाजन गर्छौं ? आफैंले जन्माएको सन्तानलाई बाउआमाले किन मार्छन ?’ भन्दै उहाँले प्रश्न समेत गर्नुभएको छ ।
