जनार्दन शर्मा अर्थमन्त्रीमा नियुक्त, ५ बजे शपथ ग्रहण

आइतवार, श्रावण १५ २०७९

521

जनार्दन शर्मा अर्थमन्त्रीमा नियुक्त, ५ बजे शपथ ग्रहण

काठमाडौं । नेकपा माओवादी केन्द्रका नेता जनार्दन शर्मा अर्थमन्त्रीमा नियुक्त हुनुभएको छ । प्रधानमन्त्री शेरबहादुर देउवाको सिफारिसमा उहाँलाई राष्ट्रपति विद्यादेवी भण्डारीले अर्थ मन्त्रालयको जिम्मेवारी सम्हाल्ने गरी मन्त्री नियुक्त गरेको राष्ट्रपति कार्यालयका प्रवक्ता सागर आचार्यले जानकारी दिनुभयो ।

बजेट निर्माणमा अनधिकृत व्यक्ति संलग्न गराएको आरोप लागेर संसदीय छानबिन समिति गठन भएपछि तत्कालीन अर्थमन्त्री शर्माले २२ असारमा राजीनामा दिनुभएको थियो। संसदीय छानबिन समितिले बजेट निर्माणमा अनधिकृत व्यक्ति संलग्न भएको प्रमाण नभेटिएको प्रतिवेदन दिएपछि प्रधानमन्त्री देउवाले उहाँलाई पुनः अर्थ मन्त्रालयको जिम्मेवारी दिनुभएको हो ।

राष्ट्रपति भण्डारीका प्रमुख स्वकीय सचिव भेषराज अधिकारीका अनुसार शर्माको शपथ ग्रहण आज नै ५ बजेपछि हुनेछ ।

आइतवार, श्रावण १५ २०७९०४:२५:३५

# राष्ट्रपति विद्यादेवी भण्डारी # जनार्दन शर्मा अर्थमन्त्रीमा नियुक्त