काठमाडौं । राष्ट्रपति विद्यादेवी भण्डारीले नेपालका लागि ब्राजिल र दक्षिण कोरियाका राजदूतलाई शपथ खुवाउनुभएको छ ।
राष्ट्रपति भवन शीतल निवासमा आइतबार(आज) आयोजित एक समारोहकाबीच ब्राजिलका लागि नेपाली राजदूत निर्मलराज काफ्ले र दक्षिण कोरियाका लागि नेपाली राजदूत प्रा.डा. ज्योति प्याकुरेल (भण्डारी)लाई राष्ट्रपति भण्डारीले पद तथा गोपनीयताको शपथ गराउनुभएको हो ।
उक्त अवसरमा नेपाल सरकारका उच्च पदस्थ अधिकारीहरूको समेत उपस्थिति रहेको राष्ट्रपतिको कार्यालयले जनाएको छ ।
