काठमाडौं । नेपालमा थप १६३ जनामा कोरोना संक्रमण पुष्टि भएको छ ।

पछिल्लो २४ घण्टामा तीन हजार ७४६ वटा स्वाब नमुनाको परीक्षण गरिएकामा १६३ जनाको नतिजा पोजिटिभ आएको हो । एक हजार ७१८ नमुनाको पीसीआर परीक्षण गर्दा ११२ र दुई हजार २८ नमुनाको एन्टिजेन विधिबाट परीक्षण गर्दा ५१ जनामा संक्रमण देखिएको हो ।

पछिल्लो २४ घण्टामा देशभर १३० जना संक्रमणमुक्त्त भएका छन् । योसँगै नेपालमा कोरोनामुक्त हुनेको संख्या नौ लाख ८४ हजार २१२ पुगेको छ ।

हाल देशभर कोरोनाका सक्रिय संक्रमितको संख्या दुई हजार ४३० रहेको स्वास्थ्य तथा जनसंख्या मन्त्रालयले जनाएको छ ।