काठमाडौं । लकडाउन अवधिभर उतारचढाव देखिएको सुनको मुल्य आज (बिहिबार) घटेकोे छ । गत मंगलबारदेखि घट्न थालेको सुनचाँदीको भाउ बिहीबार पनि ७ सय रुपैयाँले घटेको हो ।

नेपाल सुनचाँदी व्यवसायी महासंघका अनुसार हिजो (बुधबार) को तुलनामा आज (बिहीबार) सुनको मूल्य तोलामा ७ सय रुपैयाँले घटेको छ । त्यस्तै आजका लागि छापावल सुन तोलाको ९६ हजार ५ सय रुपैयाँ कायम गरेको छ । हिजो तोलाको ९७ हजार २ सय तोकिएको थियो । हिजो तोलाको ९६ हजार ७ सय रुपैयाँ कायम भएको तेजाबी सुन पनि तोलामा ७ सय रुपैयाँले नै घटेर ९६ हजार कायम भएको छ।

यसैगरी चाँदीको भाउ पनि तोलामा २० रुपैयाँले गिरावट आएको छ । हिजो तोलाको १३ सय ६५ रहेको चाँदी आज १३ सय ४५ पुगेकोे महासंघले जनाएको छ ।