२०८३, श्रावण ११ गते
- यो साता चर्चामा :
काठमाडौं। अर्थमन्त्री डा. युवराज खतिवडा आज मन्त्रीपरिषद् बैठकमा अन्तिम पटक सहभागी हुनुहुने भएको छ । विहान ११ बजेपछि बस्ने बैठकमा उहाँले अन्तिम पटक सहभागीता जनाएर आजै राजीनामा पनि दिनुहुने भएको छ ।
संवैधानिक व्यवस्था अनुसार सांसद नरहेको व्यक्ति छ महिना मात्रै मन्त्री हुन पाउने र खतिवडाको सांसदको कार्यकाल गत छ महिना अगाडि नै सकिएकाले उहाँ आजदेखि मन्त्रीपरिषद्बाट बाहिरिनु पर्ने भएको हो ।
आफ्ना लागि अन्तिम हुन लागेको आजको बैठकमा अर्थमन्त्री खतिवडाले मन्त्रालयका केही विवरणहरु जानकारी गराउने र राजीनामा गर्ने बताइएको छ ।
बैठकले अतिवडाको पदावधि सकिएपछि खाली रहेको राष्ट्रियसभाको सदस्य पदमा नेकपा उपाध्यक्ष वामदेव गौतमलाई नियुक्तिका लागि सिफारिस गर्ने निर्णय पनि गर्ने भएको छ ।
सरकारले गौतमलाई नियुक्तिका लागि राष्ट्रपति समक्ष सिफारिस गर्ने तयारी गरेको प्रधानमन्त्री केपी शर्मा ओलीले हिजोको नेकपा सचिवालय बैठकमा जानकारी गराउनु भएको थियो ।
मन्त्रीपरिषद्को बैठकपछि अर्थमन्त्री खतिवडा अर्थमन्त्रालयमा पुगेर बिदाइ भई आफैले सम्हालेको अर्को सञ्चार मन्त्रालयमा समेत पुगेर विदाई हुनुहुने भएको छ ।
सरकारका प्रवक्ता समेत हुनुभएका खतिवडाले सञ्चार मन्त्रालयमै पत्रकार सम्मेलन गरेर विदा हुने कार्यक्रम बनाउनुभएको छ ।
