काठमाडौं । नेपाली कांग्रेसले चुनावी घोषणापत्र सोमबार(भोलि) सार्वजनिक गर्ने भएको छ ।
यसअघि आज नै सार्वजनिक गर्ने तयारी गरे पनि भोलि बिहान साढे १० बजेका लागि सारिएको घोषणापत्र तयारी समितिका संयोजक तथा कांग्रेस सह महामन्त्री जीवन परियारले जानकारी दिनुभयो ।
आज सुदूरपश्चिम र कर्णालीमा सत्तारुढ गठबन्धनको कार्यक्रममा सहभागी हुन जानुभएका पार्टी सभापति तथा प्रधानमन्त्री शेरबहादुर देउवा फर्किन ढिलाइ भएकाले घोषणापत्र सार्वजनिक कार्यक्रम भोलिलाई सारिएको हो ।
कांग्रेसले आज साँझ भर्चुअल माध्यमबाट घोषणापत्र सार्वजनिक गर्ने भनेको थियो । तर सभापति देउवा अनलाइन माध्यमबाट पनि जोडिने सम्भावना नभएपछि भोलिका लागि सारिएको हो ।
