काठमाडौं । विश्व स्वास्थ्य संगठन (डब्लुएचओ)ले कोरोना भाइरसविरुद्धको खोप निस्केको खण्डमा पनि त्यो आगामि वर्ष (सन् २०२१)को मध्यसम्ममा मात्र उपलब्ध हुन सक्ने बताएको छ ।

डब्लुएचओका प्रमुख वैज्ञानिकले यो खोप आइसकेपछि पनि ठूलो मात्रामा बजारमा आउनका लागि कम्तीमा पनि आगामी वर्षको मध्यसम्म लाग्नसक्ने बताएका हुन् ।

संंगठनका प्रमुख वैज्ञानिक सौम्य स्वामीनाथनले पत्रकार सम्मेलनका क्रममा जानकारी दिएको बताइएको छ ।

‘सन् २०२१ सम्ममा खोप बजारमा आउने सम्भावना छ । र, त्यसपछि विश्वका विभिन्न देशमा त्यो पुग्नसक्ने देखिएको छ । त्यसपछि विभिन्न देशका मानिसलाई खोप लगाउन सकिने छ’, उनले भने ।