काठमाडौं । चितवनबाट प्रतिनिधिसभा सदस्यको निर्वाचनमा सहभागी राष्ट्रिय स्वतन्त्र पार्टीका सभापति रवि लामिछानेको चुनाव प्रचारमा प्रयोग गरिएको गाडीमा ढुंगा प्रहार भएको छ । मुग्लिङ सडक खण्डमा गाडी तोडफोड भएको सूचना आएको चितवनका एसपी नवराज अधिकारीले बताउनुभयो ।
प्रहरीकै अगाडि गाडी प्रचारमा हिँडेको गाडी तोडफोड भएको भन्दै उम्मेदवार रवि लामिछानेले विरोध गर्नुभएको छ । आफू निर्वाचन क्षेत्रमा सुरक्षित नरहेको तर डर पनि नभएको उहाँले बताउनुभएको छ।
प्रहरीका अनुसार गाडीमा सामान्य क्षति पुगेको पुगेको छ । अहिले प्रहरीको टोली त्यहाँ पुग्दै छ । लामिछानेको गाडीमाथि ढुंगा प्रहार गरेको भिडियो अहिले सामाजिक सञ्जालमा भाइरल छ ।
राष्ट्रिय स्वतन्त्र पार्टीका सभापति लामिछाने चितवन–२ बाट निर्वाचन प्रतिस्पर्धामा हुनुहुन्छ ।
