काठमाडौं । आफूलाई चिकित्सक भएको दाबी गर्दै अबैध धन्दामा संग्लग्न भएको आरोपमा प्रहरीले एक व्यक्तिलाई पक्राउ गरेको छ । पक्राउ पर्नेमा ५१ वर्षीय सुवास सुब्बा लिम्बू रहेको प्रहरीले जनाएको छ ।

लिम्बूलाई महानगरीय अपराध महाशाखाको टोलीले आज सोमबार बिहान ललितपुरको नख्खुपोटबाट पक्राउ गरेको हो ।

लिम्बूले ‘कोरोना संक्रमितको अंग निकाल्ने गरेको’ भन्दै विभिन्न युट्युब च्यानलमा अभिव्यक्ति दिने गरेको पाइएको प्रहरीको दाबी छ ।

उनले भ्रमात्मक र विवादस्पद अभिव्यक्ति दिने तथा चिकित्सकहरुमाथि नै अनास्था फैलाउने कार्य गरेका प्रहरीको भनाइ छ ।

बयानमा लिम्बूले आफूलाई सबैले ‘डाक्टर’ भनेर सम्बोधन गर्ने गरेको तर आफू डाक्टर नभएको बताएको प्रहरी दाबी छ ।