काठमाडौं । नेपाल–भारत सीमा क्षेत्रमा भारतीयको समूहले कुटपिट गरेका एकजना नेपाली नागरिकको मृत्यु भएको छ । भारतीय समूहले गत भदौ ६ गते कुटपिट गर्दा सप्तरीको डाक्नेश्री नगरपालिका –६ औरही निवासी रामदेव यादव घाइते भएका थिए ।

६५ वर्षीय यादवको उपचारको क्रममा गएराति बिपी. कोइराला स्वास्थ्य विज्ञान प्रतिष्ठान धरानमा मृत्यु भएको जिल्ला प्रहरी कार्यालय सप्तरीका प्रवक्ता तिलक भारतीले बताउनुभयो ।

यादवले लगाएको धानबालीमा भैंसी चराउन आएका भारतीय समूहलाई गाली गर्दा उनीमाथि कुटपिट भएको थियो ।