काठमाडौं । प्रतिनिधिसभा तथा प्रदेशसभा निर्वाचनअन्तर्गत रुपन्देही क्षेत्र नं. १ को मतगणना सोमबार(आज) बिहान ११ बजेदेखि सुरु हुने भएको छ ।
रुपन्देहीको देवदह बहुमुखी क्याम्पसमा हुने मतगणनाबारे राजनीतिक दलहरू छलफलमा छन् । सर्वदलीय छलफलमा ११ बजेदेखि मतगणना सुरु गर्ने सहमति भएको नेपाली कांग्रेसका एक नेताले जानकारी दिनुभयो ।
रुपन्देही १ मा प्रतिनिधि सभातर्फ एमाले परित्याग गरी पाँच दलीय गठबन्धनको समेत साथ पाएका नेता घनश्याम भुसाल र एमाले सचिव छविलाल विक मुख्य प्रतिस्पर्धी उम्मेदवार छन् ।
