काठमाडौं । राष्ट्रपति विद्यादेवी भण्डारी आज सुर्खेत जान लाग्नुभएको छ ।  नेपाल पत्रकार महासंघको केन्द्रीय साधारणसभाको उद्घाटन गर्न अहिले केहीबेरमा भण्डारी सुर्खेत जान लाग्नुभएको हो ।

महासंघद्वारा कर्णाली प्रदेशको राजधानी वीरेन्द्रनगर सुर्खेतको सिटी हल आयोजना गरिएको केन्द्रीय साधारणसभा राष्ट्रपति भण्डारीले अहिले ९ः३० बजे उद्घाटन गर्ने कार्यक्रम रहेको छ ।

यस्तै राष्ट्रपतिले दिउसो साढे १२ बजे मध्यपश्चिम विश्वविद्यालयको केन्द्रीय कार्यालयको नवनिर्मित भवनको समेत उद्घाटन गर्ने कार्यक्रम रहेको छ ।