काठमाडौं । प्रधानमन्त्री तथा माओवादी केन्द्रका अध्यक्ष पुष्पकमल दाहाल प्रचण्डले बाध्यताले अर्को गठबन्धन बनाउनु परेको बताउनु भएको छ । कांग्रेसले अल्पमतको सरकार बनाउन खोजेपछि अर्को गठबन्धन बनाउन बाध्यता आइपरेको बताउनु भएकोे हो ।

आज बिहान बसेको पार्टी पदाधिकारीको बैठकमा प्रचण्डले पछिल्लो राजनीतिक घटनाक्रमबारे ब्रिफिङ गर्ने बेलामा कांग्रेस नेतृत्वको गठबन्धन बचाउन अन्तिमसम्म कोसिस गरेक तर आफ्नै बचनमा टिक्न नसकेको बताउनु भयो ।

नेपाली कांग्रेस नेतृत्वको पाँचदलीय गठबन्धन छाडेर हिजो एमालेसहितका दलसँग नयाँ गठबन्धन बनाउदै प्रचण्ड प्रधानमन्त्री बन्नुभएको छ ।

नया गठबन्धनको सरकारमा राप्रपा र नागरिक उन्मुक्ति पार्टीले सरकारलाई समर्थन गर्ने, तर सरकारमा सहभागी नहुने निर्णय गरेका छन् ।अरु दलसँग समग्र पावर शेयरिङबारे छलफल हुदै छ ।