२०८३, श्रावण ११ गते
- यो साता चर्चामा :
काठमाडौं । सरकारले लक्षण नभएकाहरुमा कोरोना भाइरसको संक्रमण रहे–नरहेको पत्ता लगाउन गरिने आरटी पिसिआर परीक्षण नगर्ने निर्णय गरेको छ ।
स्वास्थ्य तथा जनसंख्या मन्त्रालयअन्तर्गतको इन्सिडेन्ट कमान्ड सेन्टरको बैठकले लक्षण देखिएकाको मात्र पिसिआर परीक्षण गर्ने निर्णय गरेको हो ।
स्वास्थ्य तथा जनसंख्यामन्त्री भानुभक्त ढकालसमेत उपस्थित उक्त बैठकले फ्रन्टलाइनमा खटिएका स्वास्थ्यकर्मीको पनि लक्षण नदेखिएसम्म परीक्षण नगर्ने निर्णय गरेको छ ।
क्वारेन्टाइनमा बसेका व्यक्तिहरुमा पनि लक्षण देखिएकाहरुको मात्रै पिसिआर परीक्षण गर्ने र लक्षण नदेखिएकाको नगर्ने निर्णय गरिएको मन्त्रालयले जनाएको छ ।
बैठकले गरेको निर्णय कार्यान्वयनका लागि मन्त्रालयले माताहतका निकायमा पत्रसमेत पठाइसकेको छ । सरकारको उक्त निर्णयको भने जनस्वास्थ्य विज्ञहरुले विरोध गरेका छन् ।
