काठमाडौं।  प्रधानमन्त्री तथा माओवादी केन्द्रका अध्यक्ष पुष्पकमल दाहाल प्रचण्ड विरुद्धको रिट सर्वोच्च अदालतमा दर्ता भएको छ। गत शुक्रबार अदालतले दिएको आदेशपछि आज रामेछापका ज्ञानेन्द्रराज आरणसहितबाट एउटा रिट र कल्याण बुढाथोकीसहितबाट अर्को रिट गरि २ वटा रिट दर्ता भएका छन् ।

दर्ता भएका रिटको पेसी भने आगामी शुक्रबारलाई तोकिएको छ।सर्वोच्च अदालतले २०७९ फागुन १९ गते प्रधानमन्त्री प्रचण्डविरुद्धको रिट दायर गर्न आदेश थियो।

यसअघि सर्वोच्च प्रशासनले दरपीठ गरिदिएको रिटलाई ईश्वर खतिवडा र हरिप्रसाद फुयालको इजलासले दर्ता गर्न आदेश दिएको थियो।