काठमाडौं । राष्ट्रिय प्रजातन्त्र पार्टी (राप्रपा) ले बिहीबार(आज) भ्रष्टाचारविरुद्ध विरोधसभा गर्दैछ ।
विरोधसभा आज दिउँसो वसन्तपुरमा हुनेछ । विरोध सभालाई पार्टी अध्यक्ष राजेन्द्रप्रसाद लिङ्देनले सम्बोधन गर्नुहुने छ ।
यसैगरी आज नै नेकपा एकीकृत समाजवादीले नक्कली भुटानी शरणार्थी प्रकरणविरुद्ध विरोध प्रदर्शन गर्दैछ । विरोध प्रदर्शन आज दिउँसो ३ बजे माइतीघर मण्डलामा हुने बताइएको छ ।
