काठमाडौं । पछिल्लो समयमा एकपछि अर्को गर्दै चलचित्रहरु प्रदर्शन गर्ने क्रम बढ्दो छ ।

चर्चित लोकदोहोरी गायिका मिना लामाको चलचित्र “चौबन्दी”को जेठ ६ गते शनिबारका दिन च्यारिटी शो भव्य रुपमा सम्पन्न भएको छ ।

यस चलचित्रको शो काठमाडौं स्थित बिजी मलको बि.एस.आर. मुभिजको हलमा सम्पन्न भएको हो । चौबन्दी चलचित्र पुर्व मन्त्री दिलमान पाख्रिनको प्रमुख आतिथ्यतामा सम्पन्न गरिएको थियो ।

“चौबन्दी” चलचित्रको च्यारिटी शो को अवसरमा बिभिन्न समाजसेवी व्यक्तित्वहरु र चलचित्रसँग जोडिएका व्यक्तिहरुलाई सम्मान गरिएको थियो । “चौबन्दी” चलचित्र की निर्माता तथा नायिका समेत रहेकी मिना लामाको कथा रहेको छ भने निरेन श्रेष्ठले निर्देशन गरेका हुन् ।

यस चलचित्रमा स्व. कलाकार जयनन्द लामा, रश्मी भट्ट, मिना लामा, दिपाशा बिसी, रितु तामाङ, लगायत अन्य कलाकारहरुको अभिनय रहेको छ । यस चलचित्रलाई रोयल मुभिज प्रा.लि.ले निर्माण गरेको हो । यस चलचित्र सामाजिक विषय बस्तुमा र आफ्नै जीवन कथामा आधारित रहेको कुरा निर्मात्री लामाले बताएकी छिन् ।

साथै यस चलचित्रलाई नेपालका हलहरुमा प्रदर्शन गर्ने सोच तुरुन्तै नभएको र विदेशमा आफु जाने कार्यक्रममा कोसेलीका रुपमा यस “चौबन्दी” चलचित्रलाई लगेर प्रदर्शन गरिने कुरा उनले बताईन् ।