काठमाडौं । ताहाचलस्थित वैदेशिक रोजगार विभागको श्रम स्वीकृति दिने काम बन्द भएको छ । कार्यालयमा कार्यरत कर्मचारीमा कोरोना भाइरस संक्रमण पुष्टि भएपछि सेवा रोकिएको वैदेशिक रोजगार विभागका महानिर्देशक कुमार दाहालले जानकारी दिनुभयो ।

एकजना कर्मचारीमा कोरोना पुष्टि भएको र अन्य कर्मचारीमा पनि लक्षण देखिएकोले सबै प्रकारका सेवा बन्द गरिएको उहाँले बताउनुभयो ।

निषेधाज्ञापछि ताहाचलबाट वैदेशिक रोजगारीका लागि नियमित श्रम स्वीकृति जारी हुँदै आएको थियो । गत फागुन २९ गतेबाट बन्द रहेको श्रम स्वीकृति असार १८ गतेबाट सरकारले खुला गरेको थियो ।