२०८३, श्रावण १५ गते
- यो साता चर्चामा :
काठमाडौं । एसीसी इमर्जिङ नेसन्स कप अन्तरगत यूएईविरुद्धको म्याचमा नेपालका ओपनर कुशल भुर्तेलले विष्फोटक इनिङ खेल्दै अर्धशतक बनाएका छन् । उनले ३३ बलमा २ छक्का र ९ चौका हान्दै अर्धशतक बनाएका हुन् ।
युएईले दिएको १५८ रनको सामान्य स्कोर पछ्याउने क्रममा नेपालले पहिलो ओभरमै अर्जुन साउदलाई गुमाएको थियो । अर्जून शून्य रनमै आउट भएपछि कुशल र देव खनालले नेपालको इनिङ अगाडि बढाइरहेका छन् । उनीहरूबीच अहिलेसम्म दोस्रो विकेटका लागि ७५ रनको साझेदारी भइसकेको छ ।
पहिलो इनिङमा ६ विकेट लिएर यूएईको ब्याटिङ धराशयी बनाएका कुशल ब्याटिङमा पनि चम्किएपछि नेपाल सहज जिततर्फ लम्किएको छ ।
