काठमाडौं । सोमबार(आज) दिउँसो १ बजे बस्ने भनिएको प्रतिनिधि सभा बैठक अपराह्न ४ बजेका लागि सारिएको छ । संसद् अवरोध हटाउन प्रमुख दलका शीर्ष नेताहरू छलफलमा रहेकाले बैठक ४ बजेका लागि सारिएको सभामुखको सचिवालयले जानकारी दिएको छ ।
गतिरोध अन्त्य गर्न सभामुख देवराज घिमिरेको पहलमा शीर्ष नेताको बैठक बसेको थियो । छलफल सकारात्मक रहेकाले आजै साढे ३ बजे शीर्ष नेताको बैठक बस्ने कांग्रेस प्रमुख सचेतक रमेश लेखकले जानकारी दिनुभयो ।
