काठमाडौं । आईसीसी यू १९ विश्वकप क्रिकेट प्रतियोगितामा अहिले नेपालले पाकिस्तानको सामना गरिरहेको छ । दक्षिण अफ्रिकाको इस्ट लण्डनमा जारी खेलमा नेपालले अहिले टस जितेर ब्याटिङ गरिरहेको छ ।
खेलमा नेपालले सातौँ विकेट गुमाएको छ । नेपालका दीपेश कँडेल १७ बलमा १३ रन बनाउँदै आउट भए । खेलको ४२ ओभर २ बलमा उनलाई पाकिस्तानका अराफात मिन्हासले आउट गरे ।
यसअघि १८ रन बनाएर गुल्शन झा, ३९ रन बनाएर विपिन रावल, २३ रन बनाएर देव खनाल, ६ रनमा अर्जुन कुमाल, ६ रनमै आकाश त्रिपाठी, उत्तम थापा मगर ४ रन बनाएर आउट भएका हुन् ।
आज नेपालको प्लेइङ ११ मा तीन परिवर्तन गरिएको छ । आजको खेलमा दुई दीपक बोहरा र तिलक भण्डारी छैनन् भने विपिन रावल, दीपक डुम्रे र दुर्गेश गुप्ताले मौका पाएका छन् ।
