म्याग्दीको रघुगंगा–६ पाखापानीदेखि बेनी आउँदै गरेको ध १ ज ८९६ नम्बरको जीप दुर्घटना हुँदा एक बालिकाको मृत्यु भएको छ । बेनी नगरपालिका–८ र ९ को सीमानामा पर्ने रातोपहिरोमा आज जीप दुर्घटना हुँदा अन्नपूर्ण–२ की १० वर्षीया रिया विकको मृत्यु भएको जिल्ला प्रहरी कार्यालय, म्याग्दीले जनाएको छ।

घटनास्थलबाट उद्धार गरेर बेनी अस्पतालमा पु¥याउँदा रियालाई चिकित्सकले मृत घोषणा गरेका प्रहरी निरीक्षक डाक्टरप्रसाद चौधरीले बताउनुुभयो।

जीपमा ११ जना सवार रहेकोमा घाइते ९ जनाको बेनी अस्पतालमा उपचार भइरहेको छ भने गम्भीर घाइते जीप चालक रघुगंगा–६ का ३० वर्षीय नन्दबहादुर छन्त्याललाई उपचारका लागि पोखरा पठाइएको प्रहरीले जनाएको छ।