कोरोना संक्रमणका कारण मोरङमा थप ६ जनाको मृत्यु भएको छ । नोबेल मेडिकल कलेज विराटनगरमा ४, विराट मेडिकल कलेज बुढीगंगामा एक र म्याक्स अस्पताल विराटनगरमा एकजनाको मृत्यु भएको हो ।

नोवेल मेडिकल कलेजमा उर्लाबारी की ६६ वर्षीया महिला र सुनसरी ईटहरीका ४२ वर्षीय पुरूष, झापा विर्तामोडका ७५ वर्षीय पुरुष, सुन्दरहरैचा नगरपालिका १० की ६९ वर्षीया महिलाको मृत्यु भएको अस्पतालका प्रबन्धक नारायणप्रसाद दाहालले जानकारी दिनुभयो ।

सुनसरी इटहरीका ४३ वर्षीय पुरुषको नोबेल मेडिकल कलेज अगाडी एम्बुलेन्समै मृत्यु भएको छ । कोरोना पोजेटिभ देखिएपछि उपचारका लागि आएका पुरुषको शुक्रबार अस्पतालमा भर्ना गर्नु अघि नै मृत्यु भएको दाहालले जानकारी दिनुभयो । उहाँका अनुसार अन्य ३ जनको शनिबार विहान मृत्यु भएको हो ।

विराट मेडिकल कलेजमा विराटनगर ३ का ६५ बर्षीय पुरूषको शनिबार विहान मृत्यु भएको छ । उनी कार्तिक ६ गते भर्ना भएको आईसोलेसन इन्चार्ज सुनिल देवले बताउनुभयो ।

म्याक्स हस्पिटल विराटनगरमा शनिबार विहान उदयपुरककी महिलाको मृत्युु भएको छ। शुक्रबार साँझ अस्पताल भर्ना भएकी ४२ बर्षीया महिलाको शनिबार विहान मृत्युु भएको म्याक्स हस्पिटलका म्यानेजर हेमनारायण मेहताले जानकारी दिनुभएको छ।