२०८३, श्रावण १४ गते
- यो साता चर्चामा :
काठमाडौं । प्रहरीले हुन्डी कारोबारमा प्रयोग गरिएको करिब एक करोड रुपैयाँसहित तीन जनालाई पक्राउ गरेको छ ।
नेपाल प्रहरीको केन्द्रीय अनुसन्धान ब्युरो (सिआइबी)ले काठमाडौंको ओमबहालबाट झापाका विकास मित्तल र कमल मित्तल तथा पर्वतका गणेश पौडेललाई सोमबार बेलुका पक्राउ गरेको हो ।
मित्तलद्वय दाजुभाइ हुन् । उनीहरुको ओमबहालमा मोबाइलका विभिन्न पार्ट्सको पसल रहेको छ । पौडेलचाहिँ मित्तलका सहयोगी हुन् ।
ब्युरोका डिआइजी शहकुल थापाले मित्तलको पसलबाट ९९ लाख ८४ हजार नेपाली रुपैयाँ आठ सय अमेरिकी डलर बरामद गरिएको जानकारी दिनुुभयो । बरामद गरिएको हुन्डीको रकम विदेश पठाउन लागिएको सिआइबीले आशंका गरेको छ ।
१० लाख रुपैयाँभन्दा माथिको कारोबार बैंकबाट मात्रै गर्नुपर्ने प्रावधान छ । डिआइजी थापाका अनुसार उनीहरुमाथि अनुसन्धान भइरहेको छ ।
