एजेन्सी । अमेरिकी राष्ट्रपतीय निर्वाचनमा डेमोक्रेटिक पार्टीका उमेदवार जो बाइडेनले २३८ र वर्तमान राष्ट्रपति तथा रिपब्लिकनका डोनाल्ड ट्रम्पले २१३ इलेक्टोरल भोट ल्याएका छन् ।

६ वटा महत्वपूर्ण राज्यको परिणाम आउन बाँकी छ । यसैबीच, बाइडेनले नेभादा र विस्कोन्सिनमा झिनो अग्रता कायम गरेका छन् ।
ती दुवै राज्य जितेमा उनले नर्थ क्यारोलाइना, जर्जिया, मिशिगन वा पेन्सिल्भेनियामध्ये एक राज्य मात्र जिते पुग्छ ।

तर निकै कडा प्रतिस्पर्धा भइरहेकाले कतिपय ठाउँमा मतपत्र पुनः गन्ने अनि कानूनी चुनौती पनि दिइने सम्भावना रहेको बताइन्छ ।

तर, बाइडेनले थप राज्यहरू जिते भने त्यसको सम्भावना कम रहेको छ ।