काठमाडौं। सेयर बजार परिसूचक नेप्से आज १४.४३ अंक घटेर बन्द भएको छ। तिहारअघिको अन्तिम कारोबार दिन आज बजार ०.५३ प्रतिशतले घटेर २६७७.६२ विन्दुमा बन्द भएको हो।

भोलिदेखि यही कात्तिक १९ गतेसम्म सेयर बजार तिहार बिदा छ। अब बजार एकैपटक कात्तिक २० गते मंगलबार खुल्नेछ। यस दिन कारोबार रकममा भने कमी आएको छ ।

आज पाँच अर्ब ९५ करोड ३९ लाख रुपैयाँको सेयर खरिद–बिक्री भएको छ। हिजो ६ अर्ब १२ करोड रुपैयाँभन्दा बढीको सेयर कारोबार भएको थियो।

आज ७५ कम्पनीको सेयर मूल्य बढेको छ भने १६४ कम्पनीको सेयर मूल्य घटेको छ।आज पाँच कम्पनीको मूल्य स्थिर छ।