काठमाडौं । संसद्को संसदीय सुनुवाइ समितिले विभिन्न संवैधानिक आयोगमा रहेको रिक्ततालाई पदपूर्ति गर्न सरकारलाई निर्देशन दिएको छ । समितिको आज बसेको बैठकले रिक्त भएका आयोगहरूमा पदपूर्ति गर्न निर्देश गरेको हो ।

त्यस्तै, समावेशी ऐन निर्माणका लागि संसद् विधेयक ल्याउन पनि समितिले सरकारलाई निर्देशन दिएको छ । प्रधानमन्त्रीलाई समितिमा उपस्थिति हुन पनि समितिले आग्रह गरेको छ ।

समितिले आजको बैठकमा प्रधानमन्त्री केपी शर्मा ओलीलाई निमन्त्रण गरे पनि उहाँ उपस्थित हुनुभएन ।

बैठकमा उपस्थित परराष्ट्रमन्त्री प्रदीप ज्ञवालीले संवैधानिक परिषद्को बैठकमा कोरम नपुग्ने समस्या रहेको बताउनु भएको थियो ।