२०८३, श्रावण १५ गते
- यो साता चर्चामा :
काठमाडौं । नेपाल एथ्लेटिक्स संघले तीन उपाध्यक्षमा मनोनित गरेको छ ।
चितवनको सौराहामा बसेको संघको कार्यसमिति बैठकले रिक्त रहेको तीन उपाध्यक्ष मनोनित गरेको हो ।
संघको विधानले एक वरिष्ठ सहित तीन उपाध्यक्ष रहने व्यवस्था गरेको छ । संघको वरिष्ठ उपाध्यक्षमा तेजेन्द्र थापा यसअघिनै मनोनित भईसकेका छन् ।
आईतबारनै बसेको बैठकले रिक्त रहेको दुई सदस्यमा दाङकी गिता बस्नेत र प्रभाकर पाण्डेलाई मनोनित गरिएको छ ।
दुई वर्षअघि चितवनको सौराहामै बसेको साधारण सभाले राजीव बिक्रम शाहलाई अध्यक्षमा निर्वाचित गरेको थियो । निर्वाचनको झण्डै दुई वर्षपछि संघले तीन उपाध्यक्ष र सदस्यको रिक्त पदमा मनोनित गरेको हो ।
संघको विधान अनुसार १७ सदस्यीय कार्यसमितिमा अध्यक्ष सहित १० सदस्य निर्वाचनबाट र बाँकी ५ जना निर्वाचित कार्यसमितिले मनोनित गर्ने व्यवस्था छ ।
वरिष्ठ उपाध्यक्ष थापाका अनुसार कोरोनाले यस वर्षको वार्षिक कार्यक्रम तालिका प्रभावित बनेको उल्लेख गर्दै पुरानै तालिका अनुसार यस वर्ष सिनियर तथा जुनियरका कार्यक्रम गर्ने विषयमा छलफल भएको बताए ।
बैठकले देशभर सञ्चालित म्याराथनलाई समन्वय गरेर स्विकृति दिएर जाने विषयमा निर्णय गरेको छ ।
