२०८३, श्रावण १३ गते
- यो साता चर्चामा :
काठमाडौं । बिहीवार आमहड्ताल गरेको नेकपाको प्रचण्ड–नेपाल समूहले नागरिकलाई पर्न गएको अप्ठ्यारोप्रति माफी मागेको छ ।
आज पत्रकार सम्मेलन गर्दै प्रचण्ड–नेपाल समूहले हिजोको आमहड्ताल रहर नभएर बाध्यता भएको बताएको छ । पत्रकार सम्मेलनमा अध्यक्ष पुष्पकमल दाहाल प्रचण्डले अप्ठ्याराकाबीच आफूहरुले नागरिकको समर्थन पाएको दाबी गर्नुभयो ।
उहाँले नेकपाका अध्यक्ष एवं प्रधानमन्त्री केपी शर्मा ओलीको गैरजिम्मेवारी कदम र लोकतन्त्रमाथि भएको प्रहारको जवाफमा बिहीवार आमहड्ताल गरेको बताउनुभयो ।
प्रचण्डले आमहड्ताल गर्नु आफ्नो र आफ्नो पार्टीको नीति र नियम नभएको पनि दाबी गर्नुभएको छ ।
