काठमाडौं । सहिद स्मारक ’बी’ डिभिजन लिग फुटबलमा आज दुई खेलहरु हुँदै छन् ।

सातदोबाटोस्थित एन्फा कम्प्लेक्समा हुने पहिलो खेलमा सातदोबाटो युथ क्लब र खुमलटार युथ क्लबबीच खेल हुने छ ।

दुई टिमबीचको खेल मध्याहन १२ः१५ बजे सुरु हुने छ । र, दुबै टिम जित निकाल्ने लक्ष्यसहित मैदान उत्रने छन् ।

लिगमा सातदोबाटो ६ खेलमा १६ अंक जोडेर शीर्ष स्थानमा रहेको छ । खुमलटार १६ अंक जोडेर दोस्रो स्थानमा रहेको छ ।

यस्तै आज अर्को खेलमा मध्यपुर युथ एसोसिएसनले टुसाल युथ क्लबसँग खेल्ने छ ।

मध्यपुर र टुसालबीचको खेल दिउँसो साढे ३ बजे सुरु हुने छ । दुबै टिम जित निकाल्ने योजनासहित मैदान उत्रने छन् ।

मध्यपुर १ अंक जोडेर पुछारमा रहेको छ । टुसाल ८ अंक जोडेर तालिकाको सातौं स्थानमा रहेको छ ।