२०८३, श्रावण १५ गते
- यो साता चर्चामा :
काठमाडौं । सहिद स्मारक ’बी’ डिभिजन लिग फुटबलमा आज दुई खेल हुँदै छन् ।
एन्फा कम्प्लेक्स सातदोबाटोमा हुने पहिलो खेलमा रानीपोखरी कर्नर टिम आरसिटी र टुसाल क्लबबीच प्रतिस्पर्धा हुने छ ।
आरसिटी र टुसालबीचको खेल मध्यान्ह १२ः१५ बजे सुरु हुने छ । आज दुबै टिम जित निकाल्ने लक्ष्यसहित मैदान उत्रने छन् ।
आरसिटी ७ खेलमा ९ अंक जोडेर तालिकाको छैटौं स्थानमा रहेको छ । टुसाल ८ अंक जोडेर सातौं स्थानमा रहेको छ ।
आज अर्को खेलमा शीर्ष स्थानको सातदोबाटोले श्री भगवती क्लबसँग खेल्ने छ ।
सातदोबाटो र श्री भगवतीबीचको खेल दिउँसो ३ः३० बजे सुरु हुने छ । सातदोबाटो जित निकाल्दै शीर्ष स्थान कायम राख्न चाहन्छ ।
सातदोबाटोले ७ खेलमा १९ अंक जोडेको छ । श्री भगवती ७ खेलमा ६ अंक जोडेर नवौं स्थानमा रहेको छ ।
