काठमाडौं । सहिद स्मारक ’बी’ डिभिजन लिग फुटबलमा आज दुई खेल हुँदै छन् ।

एन्फा कम्प्लेक्स सातदोबाटोमा हुने पहिलो खेलमा ब्वाइज युनियन क्लब र टुसाल क्लबबीच प्रतिस्पर्धा हुने छ ।

ब्वाइज र टुसालबीचको खेल मध्यान्ह सवा १२ बजे सुरु हुने छ । ब्वाइज युनियन लिगको चौंथो स्थानमा रहेको छ ।

ब्वाइजले ९ खेलमा १४ अंक जोडेको छ । टुसाल ९ खेलमा ९ अंक जोडेर तालिकाको आठौं स्थानमा रहेको छ ।

आजै अर्को खुमलटार युथ क्लब र श्री भगवती क्लबबीच खेल हुने छ । खुमलटार र श्री भगवतीबीचको खेल दिउँसो ३ः३० बजे सुरु हुने छ ।

खुमलटार ९ खेलमा २२ अंक जोडेर दोस्रो स्थानमा रहेको छ । श्री भगवतीलाई हराएर खुमलटार शीर्ष स्थानको सातदोबाटोसँग अंक बराबरी गर्न चाहन्छ ।

श्री भगवती ९ खेलमा ९ अंक जोडेर तालिकाको नवौं स्थानमा रहेको छ ।