एजेन्सी । फ्रेन्च लिग वान फुटबलमा पेरिस सेन्ट जर्मेन पीएसजी पराजित भएको छ । 

आइतबार राति भएको खेलमा पीएसजी घरेलु मैदानमा नान्टेससँग २-१ ले पराजित भएको हो । घरेलु मैदानमा सुरुवाती अग्रता जोगाउन नसक्दा पीएसजीले हार व्यहोरेको हो ।

खेलको ४२ औं मिनेटमा जुलियन ड्राक्सलरले गोल गर्दै पीएसजीलाई अग्रता दिलाएका थिए । तर, खेलको ५९ औं मिनेटमा रान्डल कोलो मुआनीले गोल गर्दै नान्टेसलाई १-१ गोलको बराबरीमा ल्याए ।

त्यसपछि खेलको ७१ औं मिनेटमा मोसेस सिमोनले गोल गर्दै नान्टेसलाई २-१ गोलको जित दिलाए । यस हारसँगै पीएसजीले लिगको शीर्ष स्थानमा उक्लने मौका गुमाएको छ ।

पीएसजी २९ खेलमा ६० अंक जोडेर दोस्रो स्थानमा रहेको छ । नान्टेस २७ अंक जोडेर रेलिगेसन क्षेत्रमा रहेको छ ।