काठमाडौं । नेपाली काँग्रेसले सत्ता समीकरणका विषयमा छलफल गर्न पार्टी पदाधिकारी तथा पूर्व पदाधिकारीको बैठक बोलाएको छ ।

सभापति शेरबहादुर देउवाले सोमबार (आज) दिउँसो ३ बजेका लागि बैठक आह्वान गर्नुभएको छ ।

पार्टी कार्यालय सानेपामा बस्ने बैठकमा पार्टीका पदाधिकारी, पूर्व पदाधिकारी तथा प्रभावशाली नेताहरुको सहभागिता रहने प्रवक्ता विश्वप्रकाश शर्माले जानकारी दिनुभयो ।

बैठकमा सत्तासमिकरणको विषयमा छलफल हुने जनाइएको छ ।

यस्तै पत्रकार महासंघको आसन्न महाधिवेशनको विषयमा पनि छलफल हुने छ ।

पदाधिकारी बैठक बोलाइएपछि वरिष्ठ नेता रामचन्द्र पौडेलले हिजोर आफूनिकट शीर्ष नेताहरुसँग छलफल गर्नुभएको थियो । 

छलफलमा पार्टीको १४ औं महाधिवेसन र सोमबार (आज)को बैठकमा समूहले उठाउने विषयको बारेमा परामर्श भएको महामन्त्री शशांक कोइरालाले जानकारी दिनुभयो ।