काठमाडौं । आज रङहरुको पर्व होली अर्थात फागु पूर्णिमा ।

आज विशेषगरी हिमाली तथा पहाडी जिल्लाहरुमा यो पर्व मनाइँदै छ ।

तराईका जिल्लाहरुमा भने होली भोली (सोमबार) मनाइने छ ।

यद्यपि, यो वर्ष कोरोनाको दोस्रो लहर सुरु हुनसक्ने भन्दै ठूलो भीडभाड नगर्न र स्वास्थ्य सावधानीका उपाय अपनाएर मात्रै रङ खेल्न सरकारले आग्रह गरेको छ ।

साथै, होलीमा अवान्छित गतिविधि नहुन दिन र कोरोनाबाट सतर्कता अपनाउन ट्राफिक प्रहरीले पनि चेकजाँचमा कडाइ गरेको छ ।

यसका बीच पनि वसन्तपुरलगायत काठमाडौंका केही ठाउँमा विभिन्न कार्यक्रम गरी होली मनाइएको छ ।

प्रशासनका कडाइका कारण अधिकांशले परिवार, साथीभाइ र सहकर्मीहरुसँग सामान्य तरिकाले होली पर्व मनाइरहेका छन् ।

साथै, कलाकार, खेलाडी, नेता तथा विभिन्न क्षेत्र तथा पेशाका मानिसहरुले पनि होली पर्व मनाइरहेका छन् । 

जसमध्ये, नेतृ रामकुमारी झाक्री, क्रिकेटर पारस खड्का, नायिका रेखा थापा र गायक सीताराम पोखरेलले होली खेलेका तस्बिर सामाजिक सञ्जालमा राखेका छन् ।तस्बिरहरु : सामाजिक सञ्जाल ।