२०८३, श्रावण ९ गते
- यो साता चर्चामा :
काठमाडौं । नेपाली काँग्रेसका नेता अर्जुननरसिंह केसीले पार्टी सरकारको नेतृत्व लिन तयार रहेको उल्लेख गर्नुभएको छ ।
नेपाली रेडियो नेटवर्कको नेपाली बहसमा पत्रकार ऋषि धमलासँग कुरा गर्दै उहाँले देशलाई उचित निकास दिएर लोकतन्त्रको रक्षा गर्नका लागि काँग्रेस सरकारको नेतृत्व लिन तयार रहेको बताउनुभयो ।
प्रधानमन्त्री केपी शर्मा ओलीले यसअघि नै नैतिकताका आधारमा आफैं राजीनामा दिनुपर्नेमा नदिएपछि अब राजीनामा दिनैपर्ने बाध्यात्मक स्थिती सिर्जना गरिनुपर्ने नेता केसीको धारणा छ ।
उहाँले मुलुकमा बढेको राजनीतिक संकट अन्त्य गर्नैकै लागि भएपनि काँग्रेस नेतृत्वमा आउनुपर्ने देखिएको स्पष्ट पार्नुभएको छ ।
नेता केसीले पार्टीले सहयोग गर्ने भन्दै अन्य प्रतिपक्ष दलहरुलाई पनि सरकारको नेतृत्व लिन आग्रह गरेको उल्लेख गर्नुभयो ।
अहिले काँग्रेस पार्टीको मुख्य एजेण्डा वैकल्पिक सरकार निर्माण हुनुपर्छ भन्ने रहेको पनि नेता केसीले प्रष्ट पार्नुभएको छ ।
