काठमाडौं । पोखरामा जारी १९ औ संस्करणको आहा रारा गोल्डकप फुटबलको दोस्रो क्वाटरफाइनल खेल आज हुँदै छ ।

पोखरा रंगशालामा हुने दोस्रो क्वाटरफाइनलमा मछिन्द्र फुटबल क्लब र अफ्रिकन रुट एसोसियसनबीच प्रतिस्पर्धा हुने छ ।

मछिन्द्र र अफ्रिकन रुटबीचको खेल दिउँसो २ः३० बजे सुरु हुने छ । प्रतियोगितामा एपीएफ क्लब सेमिफाइनलमा पुगिसकेको छ ।

उद्घाटन खेलमा आयोजक सहारा क्लब पोखरालाई १–० ले हराएर एपीएफ अन्तिम चारमा पुगेको हो । प्रतियोगितामा स्वदेशी तथा बिदेशी गरी कुल ८ वटा टिमको सहभागिता रहेको छ ।

प्रतियोगिताको विजेता टिमले नगद १० लाख १ हजार रुपैँया हात पार्ने छ । यस्तै उपविजेताले टिमले नगद ५ लाख १ हजार प्राप्त गर्ने आयोजकले जनाएको छ ।

व्यक्तिगत विधातर्फ सुर्य बहादुर केसी मेमोरियल उत्कृष्ट गोलकिपर, डिफेन्डर, मिडफिल्डर, स्ट्राइकर र प्रशिक्षकलाई जनही २५ हजार प्रदान गरिने आयोजकले जनाएको छ ।